Anafartalar Grubu
08 Eylül 1915
Huzur-ı Alilerine,
Muhterem Kardeşim Paşa Hazretleri, 05 Eylül 1915 tarihli mektubunuzu dün aldım. Hakk-ı acizanemde izhar buyurulan iltifat ve teveccühatınıza arz-ı teşekkür ederim.
Vatan-ı mukaddesimizi çiğnemeye çalışan hain düşmana ancak Ali-himmet arkadaşlarımızın istihkar-i mevt eylemeleri sayesinde iyi dersler verilmekledir.
Vatanı tahlis için han-ı hamiyetlerini büyük bir şevk ile asar eden arkadaşlarımın gayretleriyle düşmanın her nevi teşebbüsat-ı müstakbelesine de mani olunacağı hakkındaki itminanım ber-kemaldir.
Ancak, bu derecedeki asar-ı fedakaranin istilzam eylediği bazı acılara tahammülün zaruri olduğu zat-ı alilerince de musaddaktır. Bu zaruretin ilcaatıyla sizi daçar-ı me’yüsiyet edeceği tabii bulunan biraderinizin haber-i şehadeti bendenizi cidden müteessir ve giryan eylemiştir.
Şehid-i mağfur biraderiniz 08 Ağustos 1915’te millet ve memleketin hayat ve memat noktası olan Conkbayırı’nda düşmana atılan sufafun ilerisinde idi.
Teessüratınıza bütün safvet ve samimiyet-i kalbiyemle iştirak eder ve Cenab-ı Hakkın zat-ı alilerine, aile-i kederdidenize sabr-ı cemal buyurmasını tazarru ile arz-ı meveddet ve arz muhaleset ederim efendim.
Anafartalar Grubu Kumandanı Mustafa Kemal